RAAGU DHOSHAM POGA VANANGA VENDIYA KOVIL :: PAALAYANKOTTAI

ராகு தோஷம் போக வணங்க வேண்டிய கடவுள்:

     ராகுவினால் வரும் தோஷங்கள் அனைத்தும் தீருவதற்கு வணங்க வேண்டிய தெய்வம் தான் பகவதி அம்மன்

எங்கு உள்ளது:

       இந்த திருக்கோவில் திருநெல்வேலி மாவட்டத்தில் பாளயங்கோட்டை  என்ற ஊரில் உள்ளது.

நடை திறக்கும் :

        இந்த திருக்கோவில் காலை ஆறு மணி முதல் ஒன்பது மணி வரையிலும் மாலை ஐந்து மணி முதல் இரவு எட்டு மணி வரையிலும் திறந்திருக்கும்.

தோஷ நிவர்த்தி:

    இந்த திருக்கோவிலில் மிக சிறப்பம்சமாக கருதபடுவது ராகுவினால் வரும் அனைத்து பாதிப்புகளும் இங்கு வந்து வேண்டி கொண்டால் குணமாகும்.

ஸ்தல வரலாறு:

     ராகு என்பவர் ஒருவருக்கு அருகில்  சார்ந்து  இருந்தால் அவர்களுக்கு மிகவும் செல்வ செழிப்பு தரும். மேலும் அவருக்கு பாதகமாக இருந்தால் அந்த ஜாதககாரரை  மிகுந்த கஷ்டத்திருக்கு ஆளாக்கும்.

     ஆகவே இந்த கோவிலில் ராகு தோஷம் போக்கும் கடவுளாக பகவதி அம்மன் இருக்கிறாள்.

கோவிலின் பெருமை:

     இந்த கோவிலில் அதிகமாக வேண்டிகொள்ளபடுவது ராகு தோஷம் தான். ராகு தோஷத்திர்க்கான மிக சிறப்பான கோவில் திருநாகேஸ்வரம் என்பது. ஆனால் இந்த  கோவிலிலும் பகவதி அம்மன் ராகு தோஷம் நிவர்த்தி செய்யும் அம்சமாக உள்ளார் என்பது சிறப்பு.

     மேலும் திருநாகேஸ்வரத்தில் மூலம் கொடுத்த ஒரு ராகு தகடு ஒன்று இந்த கோவிலில் பதிக்கப்பட்டுள்ளது. 

பால் பிரசாதம்:

       இந்த கோவிலில் ஞாயிறு அன்று ராகு காலத்தில் பகவதி அம்பாளுக்கு அபிஷேகம் செய்யப்படும் 

பால்  பிரசாதமாக வழங்கபடுகிறது. இந்த பாலை உண்டால் பிள்ளை பேரு, நோயினால் வரும் ஆபத்து ஆகியவை தீரும் .

கயிறு பிரசாதம்:

    இங்குள்ள சுவாமிகளின் தலையில்  சிகப்பு கயிறு ஒன்று உள்ளது. அதனை பக்தர்கள் எடுத்து கையில் கட்டி கொள்கின்றனர்.

ராகு அபிஷேகம்:

    இங்கு திருநாகேஸ்வரத்தில் செய்யப்படும் அனைத்து அபிஷேகமும் இந்த அம்பாளுக்கு செய்யபடுகின்றனர்.

கோவில் அமைப்பு:

    இந்த திருகோவிலில் உள்ள அம்பாள் தவிர கருமாரி அம்மன், ராகு பகவான், சுடலை மாடச்வாமி,  விநாயகர் ஆகியோர் காட்சி தருகின்றனர்.

வேண்டுதல்கள்:

      நோய் தீர, ராகு தோஷம் நிவர்த்தி பெற, பிள்ளை வரம் பெற ஆகியவற்றிக்கு இந்த திருகோவிலில் வேண்டி கொள்கின்றனர்.

     பக்தர்கள் தங்களின் கோரிக்கை நிறைவேறிய பின்பு, பகவதி அம்பாளுக்கு பொங்கல் வைத்து படைக்கின்றனர். மற்றும் அர்ச்சனை செய்தும் விளக்கு போட்டும் தங்களின் கோரிக்கையை நிறைவேற்றுகின்றனர்.

கோவிலில் மட்டற்ற பெருமை:

   ராகு தோஷம் நீங்க பகவதி அம்பாளே ராகு நிவர்த்தியாக மூலவரில் உள்ளார். மேலும் ராகுவிற்கு உண்டான அனைத்தும் இந்த அம்பாளுக்கும் நடைபெறும் என்பது சிறப்பு. அவைகளை பக்தர்களே செய்யலாம்.